TACLOBAN CITY – Nasunog an usa nga bus samtang nabiyahe tikadto ha Manila ha Brgy. Bayog, Motiong, Samar kagab-i, July 23.
Ginkilala an driver han DLTB bus nga hi Demontrio Daylo Alcantara, 54 anyos, may asawa, residente ha Dinapa, Castilla Sorsogon.
Nagawas ha imbistigasyon han mga kapulisan han Motiong nga tipa-Manila an direksyon han bus, samtang nagbibiyahe tigda nala nahikalasan an driver han makit-an niya nga nagkakalayo an talikuran (back portion) han bus.
Purlominos 40 an mga pasahero han bus.
Umundang an driver pag maneho ngan gin abisuhan an tanan niya nga pasahero nga kumalma paggawas han behikulo.
Waray nasamaran ha ngatanan nga pasahero ha sulod han bus.
Sumala han driver, diri hiya maaram kun ano an tinikangan han pagkasunog han bus.
Nai-transfer naman an mga pasahero ha iba nga DLTB bus.
Nagpapadayon naman an imbistigasyon han mga otoridad hini nga insidente.
