Sa impormasyon nga gipadala sa DXDC RMN Davao ni Police Lieutenant Colonel Jeffrey Latayada, Acting Chief of Police sa Tagum City Police Station, giila ang driver sa bus nga si Diony Escala, 52 anyos, minyo, residente sa Purok 7, Poblacion, Banaybanay, Davao Oriental samtang ang van gimaneho ni Jonnel Acelo, 29 anyos, minyo, residente sa Purok Garcia, Barangay Mankilam, Tagum City, Davao del Norte.
Sa imbestigasyon, gikan Davao City ug padulong Tagum ang bus sa dihang mi-ovetake ang van nga kasugat niini rason sa pagkabangga sa duha ka sakyanan, diin labing nadamyos ang van.
Tungod sa insidente, nakahiagom og injuries ang mga pasahero sa van nga sila John Raymond Rendon, 23 anyos, Jeymar Malla, 28 anyos, Marie Louise Rentuaya, 22 anyos, ug Maicah Claire Dango, 20 anyos.
Dali usab nga gidala sa Davao Regional Medical Center (DRMC) ang mga biktimang samdan alang sa igong medikasyon.
RadyoMaN Kirby Manzon
