Business One Stop Shop nakatala nan bag-ong mga negosyante!

42

Mukabat sa 227 ka mga bag-ong aplikante an naitala kuman sa nagpadajon pa na Business One-Stop Shop kon BOSS suyod sa Surigao City Gym.
lni sumaya pa ni Mr. Ernesto Kang an hepe sa Business Permit and Licensing Office sa syudad.
Sa pinakaulahing datos na nahipos, moabot na sa P40,755,672 an nakolekta sa gobyerno sa syudad gikan sa mukabat 2,928 ka mga nagkuha sanan nagrenew nan ila Business Permit diin 227 an bag-ong nag apply.Tagtuohan na mas motaas pa an koleksyon sa panudlanan sa syudad labina kay kutob pa sa Enero 25,2019 o kuman Biernes an katapusan na adlaw sa Business One Stop Shop.
Sa ini na kalamboan gikalipay sa mga kadagkuan sa syudad an nahidugang na bag-ong nag abri sa ila mga negosyo kay sumaya pa ni Kang, timailhan lamang na daku an ila kompyansa o salig na molambo an ila taghimo na negosyo dinhi sa syudad.(Source:Annette Villaces,CMO)

Facebook Comments