Preparao ya para servi con el publico el Business One Stop Shop del govierno local que ya establiza na Centro Latino,Paseo del Mar.
Asegun con el hefe del City Licensing Division Benjie Barredo, todol mga ahensya del govierno que necesita na renewal del mga lisensya de negosyo compositao na un lugar dentro mismo del Centro Latino para acomoda todol mga negosyante local que esperansao endereza na locacion prinsipiando este dia Enero tres hasta pecha veinte lang en este mez.
Na presente proceso,hinde maa alarga pa el tiempo del tal negociante na proceso del su mga papeles de negocio porcausa cay todol ahensya que ele necesita na renewal del lisensya de negocio talyi ya todo na un lugar lang.
Objeto del govierno local amo para hace simple con el modo del rebewal del lisensya de negocio del mga local negociante aqui na ciudad.
El Business One Stop Shop abierto na publico prinsipianfo 8am-8pm lunes hasta viernes,mientraa 8am-5pm cada Sabado,Domingo y holidays. -Bhong Simbajon/ RMN News
