Davao City – Gipahinumdoman karon sa Davao City Business Bureau ang mga nanag-iya og business establishments nga i-renew ang ilang mga business permits sa unang mga adlaw sa January 2020 aron malikay sa pagkatanggong sa pagproseso niini.
Sumala ni Business Bureau Head Marissa Marasigan-Torentera, sugod January 2 hangtod 31 ang business permit renewal gikan Lunes hangtod Sabado ingon man usab ang naga apply og bag-ong business permits.
Gi-abisuhan ni Torentera ang publiko nga seguraduhon nga kumpleto ang ilang mga requirements aron malikay sa pagbalik-balik sa City Hall lakip na ang certificates gikan sa Bureau of Fire Protection (BFP) ug City Health Office (CHO).
Dugang tambag ni Torentera ngadto sa mga business owners ilabi na kadtong anaa sa service industry sama sa fastfood nga gikinahanglan usab nilang mo-comply sa mga rekwisitos sa City Anti-Drug Abuse Council (CADAC) pagpamatuod nga sila mituman sa drug test requirement sa tanan nilang mga empleyado.
Kahinumdoman nga ang rekwisitos sa CADAC gitumong kini sa tanang service industry businesses nga adunay labaw sa siyam ka mga trabahante.
RadyoMaN Jason Amisola
