TACLOBAN CITY – Ginpamumusil patay an usa nga businessman ha atubangan han bulangan ha Brgy. Magay, Tanauan, Leyte kanina, September 29.
Subay ha report han Police Regional Office 8, ginkilala an biktima nga hi Mateo Perez alyas “Bong”, 53 anyos, may asawa, residente han Brgy. Buntay han nasabi nga bungto.
Nagawas ha inisyal nga imbistigasyon han mga otoridad, katatapos la magpark ni Perez han iya SUV Toyota Fortuner ngan nagbaktas tipakadto ha Tanauan Gallera han umabot an duha nga suspek sakay han single nga motor ngan tigda ginpamumusil hi Perez upat (4) kabeses, naigo hiya ha iya ulo, dughan, tiyan, ngan ha iya sugbong gamit an .45 caliber pistol rason han iya dayon nga pagkamatay.
Kumalagiw naman dayon an mga suspek ha direksyon tipakadto ha Palo, Leyte.
Nagpapadayon naman an imbistigasyon han mga otoridad hini nga insidente.
