Bustillo dismayado sa earthquake participants

51

Davao City- Dismayado si City Disaster Risk Reduction Management Council Operations and Warning Officer Rodrigo Bustillo sa mga partisipante sa National Simultaneous and Earthquake Drill nga gihimo dinhi sa siyudad karong adlawa.

Matud ni Bustillo nga nakadismaya kini ang wala pagseryoso sa pipila ka mga partisipante.


Gipasabot ni Bustillo nga dili linog ang makapatay sa tawo apan ang reaksiyon kung kuwang og kahibalo sa kung unsay himoon panahon sa paglihok sa kayutaan.

Dili malikayan nga mag-una ang kahadlok ug mawala sa focus sa angayang buhaton kun pag-aplikar sa duck, cover, and hold on kung mabati ang kusog nga linog.

Hinoon, sa kinatibuk-ang assessment, gigradohan og siyete sa CDRRMC ang earthquake drill kaganina.

Nasayran nga mao na kini ang ika-upat nga Nationwide Earthquake Drill karong tuiga nga gipangunahan sa Office of the Civil Defense National Office.

RadyoMan Joel Viray

Facebook Comments

From Advertisers