Davao City – Nagpabiling ginaobserbahan karon sa Southern Philippines Medical Center (SPMC) ang tag-iya ug assistant sa usa ka karinderya sa De Guzman, Toril, Davao City human nakahiagom ug first ug second degree burn dihang mibuto ang ilang butane canister niadtong December 21, 2023.
Sa interview sa DXDC RMN Davao kang FO2 Zaren Grace Olamit Visaga, usa sa mga imbestigastor sa Bureau of Fire Protection (BFP) Toril, iyang gibutyag nga gawas sa duha nga naangol, pagan sab ang laing tulo pa ka mga lalaking namalit lang og sud-an niadtong tungora.
Sa inisyal nga imbestigasyon, nasayrang nakabutang duol sa ginagamit nga LPG ang butane canister nga gireserba hinungdan nga na-expose kini sa init ug mibuto.
Hinuon, nagsabot na ang tag-iya sa karinderya ug ang tulo ka mga biktimang naangol nga mag-storya ra sila sa settlement kung magawas na sila sa ospital.
RadyoMaN Ivy Parido
Facebook Comments
