Davao City – Gipangita na karon sa kapolisan sa Sta. Ana ang suspetsado nga midunggab-patay sa usa ka Marie Joy Rondez natigayon ang pagpangdungab alas-12:45 sa gabie didto sa Blk. 50 Sta. Cruz Riverbed Brgy. 21- C siyudad sa Davao.
Sa pagpanubay sa kapolisan sa Sta. Ana PNP, naila ang suspect usa ka Victorio Dublas, 19 anyos, nagpuyo sa nasampit nga lugar.
Sa inisyal nga imbestigasyon sa kapolisan, ang biktima nga si Lourdes Rondez igo lang nakig-storya sa iyang higala nga adunay nakaaway nga hubog.
Mibahad ang suspect ngadto sa higala sa biktima ug taud-taud mikuha og kutsilyo.
Gibalikan sa suspect ang maghigala apan naka sibat ang higala sa biktima hinungdan nga ang buntis ang napahimungtan niini tumong sa nagkadaiyang parte sa lawas sa biktima.
Daling gitabang ug gidala ang ang biktima sa Southern Philippines Medical Center (SPMC) apan gideklara kini nga dead on arrival.
Ang suspect at large pa karong panahona ug gina-imbestigahan pa sa kapolisan kun unsa ang motibo sa pagpangdunggab.
Sa pikas bahin, nagpaabot nalamang sa pamilya sa biktima ang kapolisan sa Sta. Ana PNP kun mu-file ba og kasong murder batok sa suspetsado.
RadyoMaN Don Pulayao
