Gikumpirma na ang appointment isip bag ong City Administrator sa LGU Butuan si Atty. Noel Ephraim Antigua hulip kang kanhing City Administrator Rey Desiata.
Admitado ang bag-ong Acting City Administrator sa syudad nga dako ang kabag-ohan sa iyang tahas ug responsibilidad sa bag-ong posisyon nga gigunitan karon. Apan daku ang iyang pagtuo nga pinaagi sa iyang meetings ug pag-uban kang kanhing City Administrator Reynante Desiata daku ang iyang nakuha nga kaalam sa pagdumala isip City Administrator.
Sumala pa ni Atty. Antigua nga daku nga organisasyon ang City Government of Butuan, mao nang gisiguro niya nga delegado tanan ang trabaho ug adunay filtering mechanism ang tanan aron ma designate ang tukmang trabaho nga buhaton sa mga tawo.
Hugot sab ang koordinasyon nga gibuhat ni Atty. Antigua sa nasyunal ug pribado nga sektor aron makaporma og dynamic relationship sa mga nagkadaiyang partners sa Lokal nga Panggamhanan.
