Davao City – Walay nakitang foul play ang Homicide Section sa Talomo PNP sa paghikog-patay sa biktimang si alyas Roben, 48 anyos, buwag sa asawa, nagpuyo sa Durian St., NHA Bangkal, Davao City alas 9:40 sa kagabhion.
Sa spot report sa Talomo PNP, gipugos sa pag-guba ang pultahan sa inahan ug igsuon sa biktima tungod kay tibuok adlaw nga wala kini mugawas sa iyang kwarto.
Nadiskobrehan sa inahan ug igsuon nga nagbitay na ang biktima gamit ang plastic straw diin gihigut sa iyang liog ug gisangit sa cabinet.
Gikumpirmar sa inahan nga ang biktima adunay problema sa relasyon sa iyang asawa hangtud nga nisangko sa panagbuwag.
Gidala sa Collado Funeral Parlor ang patay nga lawas sa biktima ug ipailalom gihapon kini sa otopsiya.
RadyoMaN Erin Lumosbog
