Mandaluyong City – Arestado ang anim na indibidwal kabilang ang isang babae na sangkot sa “online trading’ ng high grade marijuana o kush sa buy-bust operation ng Manila Police District (MPD) sa isang mall sa Mandaluyong City.
Nakilala ang mga naaresto na sina Michael Dankin, Andre Daniel Pilapil, Tyron James Reyes, Jhon Anthony Padua, Rona Andrade at Vance Somera Sison.
Tinatayang aabot sa halagang P378,000.00 ang halaga ng ‘kush’ kung saan natunton ang sindikato sa pamamagitan ng pakikipag-usap sa chat messenger sa mag suspek na nag-aalok ng kush.
Napag-alaman naman na mga estudyante ng kolehiyo at unibersidad ang mga parokyano ng mga suspek gayundin ang mga banyaga.
Facebook Comments
