Arestado ang apat ka persona sa ginlunsar nga buy bust operation sang Cabatuan PNP kag Regional Drug Enforcement Unit kahapon sang udto sa barangay Baluyan, Cabatuan.
Ginpahayag ni Police Sr. Inspector Sullen Domingo, hepe sang Cabatuan PNP nga pasado alas 12 kahapon sang udto sang ginhiwat nila ang buy bust operation batuk sa subject nga si Michael Otanilla, 35 anyos sang nasambit nga lugar kag isa ka drug surrenderee.
Suno kay Domingo nga nabaklan sang poseur buyer sang isa ka sachet sang suspected shabu si Ontanilla kag nakuhaan pa gid ini sang dugang nga 19 ka sachet sang illegal nga druga.
Kaupod ni Ontanilla nga nadakpan ang tatlo ka kaupod sini nga sanday Myka Ontanilla, Marissa Villarosa kag Shery Gadian.
Sa karon detain na sa Cabatuan police station ang mga suspek kag magapangatubang sang nagakaigo nga kaso angut sa paglapas sa R.A. 9165.
