Buy bust: Asawa dakpan, bana patay

160

Davao City – Patay ang usaka bana samtang nabilanggo karon ang iyang asawa human gikasa ang buy bust operation alas-9:30 sa gabii kagahapon sa may Sampaloc Street, Phase 1, S.I.R Matina, ning syudad.

Mga awtoridad nag-ila sa managti-ayon nga sila si Cindy Dela Victoria, 36 anyos ug Jorrel Millora, 36 anyos, pulos taga-Doña Salud, Km. 10, Sasa.


Atol sa transaksyon, gitunol ni Jorrel ang pakete sa gituohang shabu apan namatikdan niini nga pulis ang ilang gika-transact maong gibunlot kini og .38 kalibreng revolver dayon pusil ngadto sa poseur-buyer.

Hinoon, naka depensa ang pulis ug nakabalos ngadto sa suspetsado. Gisulayan pa og dala sa ospital ang suspect apan namatay na kini alas-9:40 sa kagabhion.

Narekober sa crime scene ang mga armas ug ang 15 gramos sa drogang nagkantidad og P120,000.

Gidala na ang lawas ni Jorrel ngadto sa Rivera Funeral Parlor samtang arestado na si Cindy.

RadyoMaN Jason Amisola

Facebook Comments

From Advertisers