Pasay City – Arestado sa isinagawang buy-bust operation ng mga tauhan ng Station Drug Enforcement Unit ng Pasay City Police ang isang tulak sa ilegal na droga na nasa drug watchlist ng Pasay City Police sa Estrella Street, Barangay 14.
Nakilala ang suspek na si Ronald Ugdoracion, 49-anyos na residente ng nasabing barangay.
Sa ulat, nagpanggap na bibili ng shabu sa halagang limang daang piso ang isa sa mga operatiba ng Station Drug Enforcement Unit (SDEU) kay Ugdoracion kung saan nakakumpiska sa kaniya ang pitong pirasong plastic sachets ng shabu na may street market value ng humigit kumulang P16,000.00.
Aminado ang suspek sa pagbebenta ng droga dahil malakas daw ang kita dito kumpara sa ordinaryong pang-araw-araw na trabaho.
Facebook Comments
