Dakup ang duha ka call center agents sa duha ka separado nga buy bust operation sa Distrito sang Arevalo subong nga gab-i, (Enero 7).
Una nga buy busat operation ginlunsar sang City Drug Enforcement Unit ukon CDEU batuk sa subject nga ginkilala kay Sheena Salcedo, 38 anyos, sang Sta. Cruz, Arevalo, isa ka call center agent nga nakabase sa megaworld.
Ginhiwat ang buy bust operation mga alas 10 sini nga gab-i sa Barangay San Jose, Arevalo kon sa diin nabaklan ini sang isa ka sachet sang suspected shabu sa balor nga 4 mil pesos.
Nakuhaan ini dugang sang isa ka amgamay nga sachet sang illegal nga druga.
Samtang nakaligad ang pila ka minutos, isa pa gid ka buy bust operation ang ginhiwat naman sang Arevalo PNP batuk sa subject nga si Josef Kristopher Vinco, 21 anyos, sang West Timawa, Molo kag isa man ka call center agent.
Nabaklan sang mga pulis si Vinco sang isan ka sachet sang suspected shabu sa balor nga P 1, 100 kag nakuhaan pa gid sang duha ka sachet sang illegal nga druga.
Magapangatubang ang mga ini sang kaso nga paglapas sa R.A. 9165 angut sa pagbaligya sang illegal nga druga.
