Dakop ang duha ka lalaki matapos mabaklan sang illegal nga druga sa ginhiwat nga buy bust operation sang gintingub nga puwersa sang City Drug Enforcement Unit, PDEA kag Arevalo PNP mga alas 7:30 kagab-i (Marso 7) sa barangay Sta. Cruz, Arevalo.
Ginkilala ang duha ka subject nga sanday Praud Joan Animas, 39 anyos sang nasambit nga lugar kag si Gerson Galan, 45 anyos sang Deleon St., Mandurriao.
nabaklan ang mga ini sang isa ka sachet sang suspected shabu sa balor nga 3,000 pesoskag nakuha pa gid sa ila paghinakop ang apat pa ka sachet sang ilegal nga druga nga ginabanta nagabug-at sang 6 grams kag may street value nga 45,000 pesos.
Magluwas diri, narecover man sang mga otoridad ang isa ka weighing scale kag duha ka unit sang cellphone.
Magapangatubang ang duha sang kaso nga paglapas sa RA 9165 kag priso na karon sa Arevalo Police Station.
