Manila, Philippines – Halos P5 milyong halaga ng hinihinalang shabu ang nasamsam ng mga tauhan ng Manila Police District Station 5 sa isang buy-bust operation sa may Roxas Boulevard, Maynila.
Nakumpiska sa operasyon ang may 700 gramo ng hinihinalang shabu na nakalagay sa dalawang plastic ice bags at may street value na P4.7 million.
Arestado naman ang dalawang target na isang lalaki at isang babae na hindi pa pinangalanan ng mga awtoridad.
Ayon sa mga pulis, ipasusuri sa Philippine National Police (PNP) Crime Laboratory ang nasamsam na kontrabando habang inihahanda na ang posibleng ikakaso sa dalawang suspek.
Facebook Comments
