South Cotabato – Arestado ang isang negosyante at dalawang anak nito sa isinagawang buy-bust operation ng Philippine Drug Enforcement Agency Region 12 (PDEA-12) sa Barangay Maltana, Tampakan, South Cotabato.
Nakilala ang nadakip na negosyante na si Jaime Canaria Malinao Sr., kung saan narekober sa kanya ang tatlong pakete ng shabu na nagkakahalaga ng P136,000.
Arestado rin ang mga anak nitong lalaki na sina Jaime Jr. at Mark James matapos marekober sa kanila ang isang paketeng shabu at mga drug paraphernalia.
Aminado ang mga suspek na nagbebenta sila ng shabu pero ayaw naman nilang sabihin kung saan nila ito inaangkat.
Facebook Comments
