Arestado ang isa ka babaye nga pusher sa Barangay Bakhaw , Mandurriao sa ginhiwat nga buy bust operation sang City Drug Enforcement Unit sa pagpamuno ni Supt. Rogen Morales alas 3:50 kahapon sang hapon.
Ginkilala ang subject nga si Clarisse Faye Gomez, 21 anyos ang edad, live-in partner sang isa man ka drug personality nga si Eping Jimena nga nadakpan man sa buy bust operation kag detain karon sa Iloilo Provincial Jail sa Nanga, Pototan.
Gindakop si Gomez matapos mabaklan sang isa ka sachet sang suspected shabu kag nakuha sa iya posisyon ang dugang nga apat ka sachet sang illegal nga druga.
Magluwas kag gomez, dakop man ang duha ka lalaki nga sanday Jocon Villamor, 25 anyos kag Aldy Jaleco sang San Nicolas, Lapaz nga natiyempuhan man nagasakay sa motorsiklo pakadto sa balay sang subject.
Ginapahayag nga si Villamor ang kaupod ni Gomez sa pagbaligya sang illegal nga druga.
