Dakop sa buy bust operation sang Lapaz PNP kag RDEU ang drug suspect sa Zone 4 Boulevard , Molo mga alas 9:30 kagab-i.
Ginkilala ang subject nga si Joel Catilo alyas agi, 54 anyos sang nasambit nga lugar.
Una nga gin-transaction sang poseur buyer ang suspek sa Gaisano Lapaz apang nahimo ang baligya-anay sa balay sini sa Boulevard , Molo mga alas 9 pasado kagab-i matapos mabaklan ini sang isa ka sachet sang suspected shabu sa balor nga 5,200 pesos.
Nakuha man sa posisyon ni Catilo ang 7 pa ka sachet sang suspected shabu, 3 mil pesos nga kuwarta, cellphone kag drug paraphernalia.
Ang suspek ang madugay na nga ginasundan ang mga otoridad kag nalakip man sa listahan sang drug personalities sa barangay.
Ginapahayag nga nagakuha ini sang suplly sang druga sa banwa sang San Joaquin, Iloilo.
Samtang, nakatigayon naman nga makapalagyo ang isa pa subject sang buy bust operation sang Police Precinct number 1 sa Tanza Esperanza City Proper nga si Joey Bacaling.
