BUY BUST OPERATION, GINHIWAT SA BANWA SANG ZARRAGA KAG ALIMODIAN, ILOILO.

507

Duha ka magkasunod nga buy bust operation ang ginhiwat sa banwa sang Zarraga kag Alimodian, Iloilo kagab-i.
Pasado alas 9 kagab-i nadakpan sa buy bust operation sa barangay Dawis, Zarraga sanday David Cabrias, 38 anyos sang Catubig, Badiangan kag kaupod sini nga si John Mark Liares, 31 sang Cabatuan, Iloilo.
Ginhiwat sang Cabatuan PNP ang drug operation sa koordinasyon sa Zarraga PNP kon sa diin nabaklan si Cabrias sang isa ka sachet sang suspected shabu sa balor nga 2,500 kagh nakuhaan pa gid sa iya paghinakop sang duha ka sachet.
Samtang mga alas 10 pasado, naghiwat man sang buy bust operation ang RDEU kag Alimodian PNP batuk sa subject nga si Cornelio Cabagua kon sa diin nabaklan ini sang isa ka daku nga sachet sang suspected shabu sa balor nga 10,000 pesos kag narecover sa iya paghinakop ang dugang nga tatlo ka sachet .
Ginkasubo naman ni Mayor Calay Alonsabe nga may nagaduso naman sang illegal nga druga sa ila banwa apesar nga makapila ka beses na nga nadeklarar nga drug cleared ang banwa sang Alimodian

Facebook Comments