Cavite – Himalang nakaligtas ang isang pulis matapos barilin ng isang drug suspect sa ikinasang buy-bust operation ng mga awtoridad sa Barangay Congbalay-Legaspi, Kawit, Cavite.
Sa ulat, nagkasa ng operasyon ang Station Drug Enforcement Unit ng Kawit police kung saan nagpanggap na buyer ang isang operatiba at nakabili ng 300 pesos na halaga ng hinihinalang shabu mula sa suspek na si Jerome Herona.
Subalit nakatunog ito na pulis ang kanyang ka-transaksiyon kaya at pinaputukan ang hindi pinangalanang pulis.
Masuwerte namang nakailag ang pulis at nakaganti kay Herona na nagresulta sa pagkamatay nito.
Patuloy naman ang imbestigasyon sa insidente at inaalam na din kung sino-sino ang kasabwat ng suspek sa pag bebenta ng iligal na droga.
Facebook Comments
