Isa ka stand-up comedian ang naaresto sa ginhiwat nga buy bust operation mga alas 6:45 kagab-i sa Barangay Tanza Bonifacio, City Proper.
Ginkilala ang subject nga si Edmel Emboltura, 24 anyos , pumuluyo sang nasambit nga barangay.
Si Emboltura ang ginakabig nga newly-identified drug personality sang Police Precinct number 1 kag sang Regional Drug Enforcement Unit.
Hugot nga ginpanginwala sini nga nagabaligya siya sang illegal nga druga apang gin-ako sini nga nagagamit siya sang druga.
Nahibaluan nga nakuha sa posisyon sang suspek ang siyam tanan ka sachet sang suspected shabu lakip na ang buy bust money nga 600 pesos.
Facebook Comments
