Byahe pa Davao de Oro gitugotan sa LTFRB XI

Davao de Oro – Nagpasalamat ang mga commuters sa probinsya sa Davao de Oro sa mga sakop sa Land Transportation Franchising and Regulatory Board (LTFRB-XI) human subling gibuksan sa publiko ang ruta sa mga sakyanang makabiyahe gikan sa syudad sa Panabo, Davao del Norte padulong sa mga kalungsoran sa Probinsya sa Davao de Oro sugod kagahapong adlawa (May 26, 2020) pinaagi sa LTFRB XI circular no.2020-013 B nga nagtugot sa mga bus nga mobiyahe pinaagi sa Special Permit.

Sumala ni LTFRB XI Atty. Armand B. Dioso, limitado ang bus nga ilang gitugotang makabiyahe apan adunay Thermal Scanners, disinfectants ang mga bus aron masusi ang body temperature sa mga pasahero.

Dugang niini, dili tugotan nga makasakay sa bus kung dunay 38 degrees centigrade ang temperatura sa usa ka pasahero ug dili usab pwede mobiyahe ang nagpangidaron ug 21 anyos paubos ug 60 anyos pataas samtang full operation ang rota sa mga bus padulong sa lungsod sa Laak, Monkayo, New Bataan, Maragusan, Mati City, Boston ug Kapalong Vice versa.


RadyoMaN Jules Catisay

Facebook Comments