Nagpadayon ang byahe sa mga lantsang pampasaheroan nga gikan sa Sta. Ana Wharf patabok sa Talicud, Island Garden City of Samal bisan paman og adunay nasinatiang pagdagko sa balod tungod sa Habagat.
Sumala ni Nestor Boiser, Kapitan sa lantsang Jessa 3 nga dili maayo ang kahimtang sa kadagatan rason nga mapugos siya sa hinay nga pagpadagan aron nga dili mureklamo ang mga pasahero ingun man muabot sila sa pantalan nga luwas.
Matud ni Boiser nga iyang gina trabaseya ang lantsa aron dili kaayo mukiling sa kadagko sa balod ingun man sa hangin lakip ang kusog nga sulog nga mupahinay sa dagan sa Jessa 3 padung sa ilang destinasyon.
Gidugang sa Kapitan nga samtang wala sila makadawat og mando gikan sa Phil. Coast Guard nga i-suspenso ang pagbyahe magpadayon ang ilang serbisyo sa publiko nga mutabok pa Samal og pa syudad sa Davao.
RadyoMaN Erin Lumosbog
Facebook Comments
