General Santos City–Giklaro ni Ret. Col Reynato Padua, Regional Director sa LTFRB-12 nga sa karon limitado lang gyud sa usa ka LGU ang byahe sa mga bus ug mga PUV kon Inter-Provinces lamang.
Hinungdan niini mao ang ginapatuman nga regulasyon sa matag lokal nga panggamhanan kung asa nagpabilin pang sirado ang mga border ug wala pa ginatugutan ang border crossing para sa mga byahe sa mga pampublikong sakyanan.
Pamahayag niya nga kung adunay mga naga-apply para sa usa ka ruta karon nga adunay pandemya, ilahang ginahatagan ug special permit, apan point to point pasabot nga terminal to terminal lang.
Pag-angkon ni Director Padua nga lisod gyud ang sitwasyon sa mga lugar nga wala ginatugutan ang border crossing sama sa Rehiyon 12 gumikan adunay mga terminal nga ana sa gawas sa usa ka probinsya.
Samtang, sa hisgutanang pamasahe, nakalatid matud pa kini sa special permit sa mga pampublikong sakyanan apan dili gihapon matuman tungod adunay mga ruta o mga terminal nga dili maadtuan sama sa terminal sa Gensan tungod nagpabiling sirado ang border sa South Cotabato ug Gensan pasabot nga dili pwedeng mulahos ang usa ka passenger jeepney.
Kini nga problema masulbad lang higayon nga mag-abli na ang mga border sa matag LGU.
Photo is for illustration only)
