Pagadian City – Sugod karong buntag mobyahe na ang pampubliko nga sakyanan sama sa bus sa dakbayan sa Pagadian ug kalungsuran sa probinsya sa Zamboanga del Sur human gipailalom ang probinsya sa General Community Quarantine kun GCQ.
Sa tigom nga gihimo sa Zambosur Task Force COVID-19 uban ang opisyales sa Rural Transit Mindanao Inc. Kun RTMI naumol ang mga guidelines sa BIYAHE SA BUS dinhi palibot sa probinsya
Ang rota sa Pagadian – Labangan – Ramon Magsaysay – Molave – Tambulig (vice versa) samtang mobyahe moabhis usab ang bus – Pagadian – Dumalinao – Tigbao – Lakewood – Kumalarang (vice versa).
Aron makalikay sa piligro nga dala sa Covid, 17 ka pasahero lang ang gitugutan nga makasakay sa bus ug ipatuman ang 1 seat apart seating arrangement.
Gipahimangnuan usab ang mga pasahero nga sa terminal lang pwede mosakay ug manaug.
Lauman usab nga sa matag checkpoint tan-awon kung kumpleto ba ang requirements nga dala sama sa working pass, travel pass ug pwede usab nga mosakay ang mo-uli nga na stranded kun dunay gihuptan nga authority to travel (diin sya gikan), medical certificate (nga dili sya COVID suspect or probable patient) ug certificate of residency and acceptance (sa brgy nga iyang destinasyon).
Una nang gibutyag ni Pagadian City Mayor Sammy Co nga strekto nga pagsala ug inspeksyon ang ipatuman sa syudad alang sa mga pasahero nga sakay sa bus gikan sa silingan nga lungsod.
Ang management sa bus company ang manubag kung dunay pasaherong makasakay nga walay saktong papeles nga gigunitan.
