Byahe sang mga PdP Jeeps, nag-umpisa na kahapon nga adlaw!

86

Roxas City, Capiz – pormal na ngan nag-umpisa kahapon nga adlaw ang byahe sang mga units sang Pueblo de Panay Jeeps.

Ini matapos ang ginpatigayon ang blessing kag ribbon cutting.
Suno sa operations manager nga si Mr Rex Bucayan, ang PdP Red Jeeps ang may ruta nga Roxas City Integrated Transport Terminal to Culasi and vice versa.


Ang PdP Green Jeeps ang may ruta nga Roxas City Integrated Transport Terminal to Brgy. Banica/Brgy. Tanza and vice versa.

Nagalab-ot sa P10.20 pesos naman ang pamasahe sa una nga apat ka kilometro samtang P1.38 pesos naman ang dugang sa succeeding kilometers.

Maga- operate ang nasambitan nga mga units halin alas sais sang aga tubtob alas siete sang gab-i.

Sa madumdoman nga nagpatigayon anay sang tatlo ka adlaw nga dry run sang ila biyahe ang nasambitan nga PdP Jeeps sa syudad ang Roxas.

Facebook Comments

From Advertisers