Davao City – Posibleng i-require na ang mga non-APOR (Authorized Persons Outside of Residence pasulod sa Davao Region, ang negative RT-PCR (Reverse transcription polymerase chain reaction) test result, lakip na ang mga returning residents gikan gawas sa rehiyon.
Kini nunot sa pagsaka sa Coronavirus Disease 2019 (COVID-19) cases sa laing rehiyon sa Mindanao ug gika-report nga new COVID-19 variant sa ubang lugar.
Sumala ni Dr. Ashley Lopez, CHO head (sa interbyu sa city-owned radio), nga lauman karong semanaha o sunod semana ang ipagula ang Task Force Resolution labot sa ‘test-before-travel’ policy partikular na sa mga indibidwal nga nagbaton og dili importanting lakaw o transaksyon.
“So atong i-implement ang test-before-travel among these groups or sectors labi na kanang non-essential travelers or non-APOR,” segun ni Lopez.
Sa pagkakaron, padayon pa usab nga gitun-an ang sistema ug mamahimong patakaran labi na nga dili tanan probinsya nagbaton og testing center sa COVID-19.
RadyoMaN Kirby Manzon
