ILOILO CITY – Gindismiss sang Court of Appeals (CA) ang petition for certiorari nga ginfile sang kampo ni anay iloilo City Mayor Jed Patrick Mabilog.
Ginpaboran sang CA ang mandu sang Office of the Ombudsman nga nagadismiss kay Mabilog angot sa unexplained wealth sang anay alkalde.
Base sa 4 ka pahina nga resolution, gindismiss sang CA ang petition for certiorari sang kampo ni Mabilog bangod sang lack of merit.
“(T)he instant petition for certiorari with prayer for a Temporary Restraining Order/Writ of Preliminary Injunction is Dismissed,” ang kabahin sang unod sang resolution.
Suno sa CA, sala ang ‘mode of appeal’ nga gingamit sang kampo sang alkalde.
Gingamit sang kampo ni Mabilog ang Rule 65 of the Rules of Court nga amo ang petition for certiorari imbes nga Rule 43 nga amo ang petition for review on certiorari.
“Mabilog’s case, involving as it does an administrative charge resulting in his dismissal from service, does not fall under any of the foregoing circumstance. As the current petition for certiorari is concededly an erroneous mode of review, its dismissal is in order,” ang pahayag sang korte.
“That appeals from decisions of the Office of the Ombudsman in administrative disciplinary cases should be taken to the Court of Appeals by way of a petition for review under Rule 43 has been settled as early as the 1998 ruling of the Supreme Court in Fabian v Desierto.”
