BACOLOD CITY – Ginaklaro ni Councilor Jun Gamboa nga bakante pa sa karon ang posisyon sang pagka-alkalde sa idalum sang MKK-Unified Opposition.
Suno kay Gamboa nga ang sigurado pa lang amo nga si former Mayor Monico Puentevella ang magapadalagan bilang congressman samtang si anay-Vice Mayor Thaddy Sayson ang liwat nga magapa-pili bilang bise-alkalde.
Dugang pa ni Gamboa nga ila pa gina-hulat ang desisyon ni Councilor Cano Tan kon magapadalan ini bilang alkalde apang kon mag-atras ini may yara naman sila sang gina-handa nga mga kandidato.
Lakip diri amo sanday Congressman Stephen ‘Karaps’ Paduano ukon si former Councilor Lyndon Caña.
Samtang ang listahan naman sang MKK/Unified Opposition para sa pagka-konsehal ang nagalakip sa ila nanday Councilor Jun Gamboa, Kalaw Puentevella, Homer Bais, Alex Paglumutan, Celia Flor, Kapitan Noli Villaros – Tangub, Kapitan Elmer Villanueva – Barangay 30, Andrea Sy, Edwin Baladja, Ray Carmona, Paulo Lacson, Atty. Caesar Beloria kag Atty.Eduardo Padios/dyHB BACOLOD
