Davao City- Gikumpirma sa Civil Aviation Authority of the Philippines (CAAP) Davao nga nakasinati’g technical issue ang Philippine Airlines (PAL) flight PR-1816 nga gikan Davao pa-Manila.
Sa interbyu sa RMN Davao kang Rex Obcena, CAAP Davao Manager, kini maoy hinungdan nga nibalik ang eroplano sa Davao Airport.
Luwas nga naka-landing ang tanang 199 ka mga pasahero sa maong flight.
Gipasabot ni Obcena, parte sa Standard Operating Procedure ang gihimong pagtuyok tuyok sa kawanangan sa maong abyon para sa fuel dump o fuel burning.
Gikinahanglan kini para sa safety reasons aron matuman ang gikinahanglan nga hibug-aton sa eroplano sa iyanang pagtugpa.
Wala na gi-elaborate sa statement ni PAL spokesperson Cielo Villaluna ang technical issue nga nasinati sa maong eroplano.
Niadtong Sabado ang PR1816 nilupad sa alas-4:34 PM ug nag-re-land kini 5:47 PM.
Gi-address na sa PAL technical team ang insidente.
RadyoMaN Aimee Guinita
Facebook Comments
