Wala giubos sa Civil Aviation Authority of the Philippines (CAAP) Davao ang alerto kay lauman gayod ang surge sa mga pasahero karong Barangay ug Sangguniang Kabataan Elections ug sa Undas.
Sa interbyu sa RMN Davao kang Rex Obcena, CAAP Davao Manager, mas hugot nga screening ang ipatuman sa mga bagahe ug sa mga air passengers.
Preparado ang Davao International Airport sa pagdagsa sa mga byahero.
Segun ni Obcena, depende na sa mga airlines kung magdungag o magbawas sila og mga flights apan kinahanglang iakomodar gayod ug convenient ang mga pasahero.
Pahimangno sa mga mubyahe nga kinahanglang anaa na sa airport duha ngadto sa tulo ka oras una ang ilahang flight aron makalikay sa taas nga queueing.
Para sa paspas usab nga pagsulod sa mga inspeksyon likayang magdala og mga prohibited items.
RadyoMaN Aimee Guinita
Facebook Comments
