Davao City – Gilaraw sa Civil Aviation Authority of the Philippines (CAAP) Davao ug lokal nga panggamhanan sa Davao nga magmuntar og pasilidad nga magsilbing waiting area.
Sumala ni Rex Obcena, CAAP Davao Manager kini maoy magsilbing waiting area sa mga kabanay o higalang magsundo o maghatod og pasahero sa airport.
Gitataw niini nga nagpaabot sila karon sa lokal nga gobyerno para sa maong planong muntaron nga pasilidad.
Ibutang kini sa may Van City sa airport.
Matud niini hugot gihapong ginapatuman sa syudad sa Davao ang palisiya nga ‘No Greeter and No Send-off’ sa tanang public transport terminal ilabi na sa Davao Airport.
Segun ni Obcena, giimplementar kini ni kanhi Davao Mayor karon Bise Presidente Sara Duterte sukad pa niadtong Pebrero 2020 ug hangtod karon ginasunod kini sa mga airport authorities alang sa hugot nga seguridad ug malikayan ang overcrowding.
RadyoMaN Aimee Guinita
Facebook Comments
