TUPI SOUTH COTABATO – Ipailawom sa imbestigasyon sa Civil Aviation Authority of the Philippines o CAAP ang pagkahagsa sa usa ka private chopper sa Sitio Glandang, Barangay Kablon, Tupi, South Cotabato niaging adlaw.
Segun ni Jed Patrick Loreno, operation and warning officer sa Municipal Disaster Risk Reduction and Management Council sa Tupi nga gikan sa Davao City ang RP-C1811 sa Lion Air Incorporated na chopper ug mihapit sa Sityo Glandang, Kablon, kay may gi-pick up nga pasahero apan nagkaproblema ang makina ug nahagsa.
Naa na karon sa pribadong ospital ang upat nga nakaangkon og minor injuries giilang sila Capt. Dennis Figueroa ang piloto ug tulo ka pasahero nga silang Dr. George Gonzales ug Cecilia Donaire nga mga langyaw ug Pinay nga si Alicia Bingco nga mga executive sa pribadong kompanya sa DOLE Philippines Incorporated.
Dili na matod pa mapuslan ang chopper nga nagkantidad og minilyon ka pesos tungod sa grabeng damyos.
For more info’s and updates, like and share our official facebook account : www.facebook.com/ifm91.9Gensanofficial/
