Nagpatulong ang Civil Aviation Authority of the Philippines (CAAP), U.S. Federal Aviation Administration (FAA) para sa briefing kaugnay ng illegal charter operations.
Sa harap ito ng panganib ng illegal charter flights hindi lamang sa mga sakay nitong pasahero kundi maging sa seguridad ng pag-operate nito nang walang kaukulang approval at supervising.
Sa naturang virtual briefing sa aviation at law enforcement personnel, tinalakay ang pagpapalakas sa abilidad para maiwasan ang illegal charter activities.
Kabilang sa dumalo sa session ang 121 participants mula sa iba’t ibang CAAP airports at offices, gayundin ang mga kinatawan mula sa National Bureau of Investigation (NBI), Bureau of Immigration (BI), Bureau of Customs (BOC), Office for Transportation Security (OTS), at Philippine National Police – Aviation Security Group PNP-AVSEGROUP).
