Davao City – Nagpasalamat ang management sa Civil Aviation Authority of the Philippines (CAAP)-Davao human nga nasolusyonan na ang problema sa push carts kun luggage trolleys sa Davao International Airport (DIA).
Sa interview sa DXDC RMN Davao kang Rex Obcena, manager sa CAAP-Davao, iyahang gisulti nga bag-ohay lamang sa dihang gi-turn over ang brand new push carts sa City Government of Davao, in partnership sa Davao Fil-Chinese Multi-Sectoral Association.
“We have accepted around 500 push carts. So, right now, we have 700 (push carts) sa atong inventory. As of to date, wala na ‘mi nadawat nga mga complaint and dako kaayo og tabang pud ang kining mga push cart sa mga pasahero,” sulti ni Obcena.
Kahinumduman nga sa miaging tuig, 2023, nahimong problema ug hagit sa CAAP-Davao ang kakulang sa push carts sa DIA nga maoy nag-unang concern sa mga pasahero.
RadyoMaN Kirby Manzon
Facebook Comments
