Cabadbaranon nga boksidor midawat ug pasidungog gikan sa PRO 13
Midawat ug pasidungog gikan sa Police Regional Office 13 si Genesis Libranza, ang boksidor nga tubong Cabadbaran city Agusan del Norte kinsa midaog via technical knockout sa iyang kaaway isip undercard sa nakalabyang away ni Manny Pacquaio kontra ni Keith Thurman.
Mismo si PBGen. Gilberto DC Cruz, regional director sa PNP Caraga kauban ni Dr. Marjune Millones, Dean sa College of Criminal Justice Education sa St. Joseph Institute of Technology (SJIT) maoy mitunol sa plaque of recognition, cash ug token ngadto kang Libranza.
Sa iyang mensahe, gipaabot ni Libranza ang pagpasalamat ngadto sa kwerpo sa kapulisan sa rehiyon sa mainitong pag-welcome kaniya dungan sa pasalig nga maningkamot kini sa iyang sunod nga away aron makahatag ug dugang inspirasyon sa tanang Filipino.
photo: dr. milliones
