Davao City – Gilusad karong adlawa sa Davao City Anti-Drug Abuse Council (CADAC) ang ilang gipalambo nga Drug Education Module for Community-Based Rehabilitation and Aftercare Program sulod sa Royal Mandaya Hotel.
Sumala ni CADAC action officer Mikee Aportodera, tumong niini nga maluwas ug malikay ang mga mosunoray nga henerasyon sa pagpangabuso sa iligal nga druga.
Subay usab kini sa ‘Tabangan Atong Reformists Aron Naay Asenso-Community Based Rehabilitation and Aftercare Program’ (TARA NA-CBRAP) sa lokal nga ganhaan.
Giklaro ni Aportodera nga epektibo kini karong umaabot nga eskwela sa parehong public ug private schools sa Davao.
Sa mensahe nga gipadala ni Davao City Mayor Inday Sara Duterte-Carpio, gipasalamatan niini ang ang mga ahensya nga nanguna sa maong lakang nga mao ang Department of Education (DEPED), Department menof Health (DOH), ug ang City Government of Davao.
Gani, gi-awhag sa Mayor ang CADAC nga mohimo ug magpasa og resolusyon ngadto sa DEPED regional office aron mareplika ug mapatuman kini sa tibuok tulunghaan sa Pilipinas diin mga estudyante gikan Grade 4 hangtod Grade 12 amg makabenepisyo.
RadyoMaN Jason Amisola
