Zamboanga City – Ya puede recobri el maga personahes del Naval Forces Western Mindanao con un cadaver que ta man luting na la mar na vicinidad del Coco Lanhill y Sibago Island na Provincia de Basilan del Marso 31 .
Ta conduci maritime operations aquel tiempo el BRP Subanon (LC 291) cuando ya puede columbra conel cadaver , asegun con Lt.Commander Bernardo Carpio del Philippine Navy el Commanding Officer del BRP Subanon .
Con el Cadaver ya puede saka el maga divers pasada alas ciete de aga del sabado y ensigidas ya lleba na barko para el posible identificacion de este .
Base na inicial assessment kay el cadaver un hombre tiene el altor de 5’7 y ta usa berde shorts y de sleeveless red stripes shirt , ta cre el otoridad que 24 hora ya este ta man lutao na la mar .
Con el cadaver ya transferi para na ensign majini pier na naval station Romulo espaldon Naval Forces Western Mindanao na ciudad de Zamboanga y el propio turn over conel propio otoridad para el identificacion de este .
