Davao City – Gisaway sa regional director sa National Telecommunications Commission kun NTC XI ang serbisyo sa telecommunications companies sa Pilipinas.
Sa pakighinabi sa DXDC RMN Davao kang NTC-XI regional director Nelson Cañete, sa personal nga opinyon niini, dismayado kini sa telcos gumikan wala gihapo’y pag improba sa ilang serbisyo sama sa internet connection.
“Dili lang man Presidente (President Rodrigo Duterte) ang na-dismaya, tanan nga mga nagreklamo disamaydo na. Personally kung i-rate nako ang telco nga serbisyo, naa sa rated PG, kanang Purya Gaba,” segun ni Cañete.
Samtang nananawagan usab kini og koordinasyon gikan sa komunidad nga tugtan ang pagtukod og towers ingon man sa Local Government Units kun LGUs nga dili kaayo palisuran ang requirements sa mga telcos aron makadugang na og tukod og mga towers ug makahatag og signal alang sa publiko.
RadyoMaN Renz Barbarona
