Gawasnon pa gihapon ang duha ka person of interest nga mipusil sa usa ka sakop sa Cafgu niadtong adlaw sabado, didto kini nahitabo sa barangay Gunyan, sakop sa lungsod sa Siayan.
Ang biktima mao si Federico Malabago sakop kini sa Cafgu taga barangay Datagan kinsa gipusil sa duha ka indibidwal nga sila si Fortunato Ladiagonong alyas Donat ug Edoy Dalangon pulos kini residente sa Barangay Seriac Siayan.
Sa nahipos nga impormasyon sa kapulisan sa Siayan ang biktima gikan kini sa lungsod sa Dumingag, Zamboanga del sur sakay sa iyang single motor, sa paghidangat sa biktimang si Federico sa may Sitio Mauswagon, Gunyan iyang nakita si alyas Donat nagtindog kilid sa dalan ug sa nagkaduol na siya ang nahisgutan nga suspetsado milanit kini ug armas ug mipusil gilayon sa biktima apan swerte pa tungod kay ang iyang motor ang unang naigo ug milapos sa paa niini.
Gi segundahan pa kini ug pabuto ang biktima hinungdan nga mi dagan kini palayo aron sa pagluwas sa iyang kaugalingon.
Padayon pa karon ang imbistigasyon sa kapulisan aron masuta ang tinuod nga hinungdan sa pagpamusil ug aron masikop ang mibuhat sa maong salaod..
