Patay nang nadala sa Adventist Medical Center ang usa ka sakop sa Civilian Armed Forces Geographical Unit Active Auxillary CAA kinsa off duty gikan sa Lumbayao Patrol Base sa Valencia Bukidnon human nakahi-agom og samad pinusilan sa nawong ug tiyan.
Nasayran nga niadtong Oktubre 27 ning tuiga dili tawhanong gipatay sa New People’s Army Terrorist ang usa ka Pablo Omblero diha sa Purok 18, Brgy Batangan, Valencia City.
Matud sa ka kapuyo niini nga si Elizabeth Dela Torre nga adunay pito ka tawo ang misulod sa ilang panimalay ug grabe na matud pa ilang hilak ug pakilooy apan sa walay konsensya gipusil sa iyang atubangan ang iyang bana nga wala man lang kini nakasukol.
Samtang, gikabutyag ni 403rd Infantry Brigade Commander BGen Edgardo De Leon nga walay armas, off duty ug magpakalooy si Omblero ug wala kini gikonsiderar nga combatant nga pugsanong gikuha sa NPA ug gipusili patay nga dako matud pag-kalapasan sa International Humanitarian Law kon IHL.
Gi-hangyo usab niini ang Local Government sa Valencia City nga maghimo og fact finding Committee nga mag-base sa IHL aron sa pag-investigar sa mong insidente ug gihangyo usab niini ang Commission of Human Rights ug IHL watchdog nga KARAPATAN sa pag-apil sa investigasyon batok paglapas sa NPA sa IHL.
