NEGROS ORIENTAL – Ginaclaim sang rebelding New People’s Army (NPA) nga ginkalipay sang pumuluyo ang ila madinalag-on nga partisan operation sa ciudad sang Guihulngan nga nagresulta sa pagpatay sa isa ka CAFGU sadtong Domingo, Enero 6, 2019.
Suno sa Spokesperson sang Leonardo Panaligan Command sang NPA Central Negros Guerilla Front Ka JB Regalado nga ang ginpatay nga CAFGU nga si Joseph Gavia sang Brgy. Linantuyan CAFGU Detachment sa Guihulngan, Negros Oriental sadtong Domingo, las 5 sang hapon ang isa ka legitimate nga military target sang NPA.
Gina-akusar sang NPA nga si Gavia ang isa ka masupog nga makinarya sang PNP kag AFP sa pagpang-niktik sa hulag sang NPA kag bug-os nga rebolusyonaryong pwersa sa amo nga lugar.
Ginpahayag pa sang NPA nga nagapamahug pa ang biktima sa mga inosente nga mga mangunguma sa lugar gamit ang iya armas.
Nagamaoy, nagapanaya-taya sa mga sibilyan sa panahon nga maka-inom sang makahulubog nga ilimnon kag masami ini nagapalupok sang armas nga nagresulta sang kahadlok sa pumuluyo.
Matapos ang pagpamatbat sang Rebolusyonaryong Korte sang pumuluyo, ginsilotan si CAFGU Gavia sa panahon nga nagapanahor ini sa isa ka bulangan sa proper sang Brgy. Linantuyan, Guihulngan./dyHB BACOLOD
