POLOMOLOK SOUTH COTABATO – Dead on the spot ang duha ka mga sakay sa motorsiklo nga nag-head on collision sa usa ka close van sa may National highway, Brgy. Pagalungan, Polomolok, South Cotabato pasado alas 12 tunga-tunga sa gabie adlawng Myerkules.
Base sa report sa Traffic Investigation sa Polomolok Municipal Police Station nga human mabangga ang motorsiklo sa van nasunog pa ang van nga gilamoy og kalayo ang driver side samtang naugdaw sad ang motorsiklo.
Nailhan ang mga namatay nga motorcycle riders mao silang Roger Puertas, usa ka membro sa CAFGU ug Vincent Rey Flores parehong residente sa Bry. Polonuling, Tupi, South Cotabato.
Naangkon sa duha ang grabeng samad sa ulo nga gikabuak sa ilang bagol-bagol og nabali ang kamot og tiil sa kakusog sa impact sa banggaanay.
Samtang nakaluwas ang drayber sa van og mga sakay niini human sa panghitabo.
