Padayon pa karon nga nagpaalim sa balay tambalanan ang driver sa single motor human kini na disgrasya niadtong nakalabayng adlaw didto sa dalang nasyunal, Doña Josefa, lungsod sa Sindangan.
Kahibaloan sa dihang mi responde ang kapulisan sa lugar nahitaboan wala na kini naabtan tungod kay dali kining gidala sa usa ka nagpakabanang indibidwal didto sa Sindangan District Hospital.
Subay sa impormasyon nga nahipos sa kapulisan sa maong lungsod. Naila ang mga biktima nga sila si Elmer Omandam Arcadio, 49 anyos uban sa iyang angkas nga si Artemio Quinga Mabisa, 48 pulos kini sila myembro sa CAFGU sa Special Forces, PA ug residente kini sila sa brgy. Saluyong, lungsod sa Manukan.
Matod pa nga, samtang naglawig ang Honda Wave 110, kolor pula gikan sa brgy. Saluyon, Manukan padulong kini sa brgy. Maras, Sindangan ug paghidangat niini sa lugar nahitaboan, aksidenteng nawad an ug kontrol ang driver sa iyang gimaneho nga motor sa kurbadahon nga bahin sa dalan.
Maayong pagka balintong sa ilang gisakyan nga motor, samtang ang angkas niini maayong pagkalabay padulong sa punoan sa mahogany ug naka angkon kini ug daghang bun-og sa lawas.
Gisulayan pa unta ug dala sa balay tambalanan ang angkas niini apan gideklara na kining Dead on Arrival.
