Davao City – Wala na makakobra sa iyang sweldo ang usa ka membro sa CAFGU human nadasmagan sa naghaguros nga sports car sa Malamba, Marilog District syudad sa Davao, ang gimanehong motorsiklo niini nga miresulta sa iyang kamatayon ug pagka angol usab sa iyang asawa nahitabo kagahapong adlawa.
Biktima naila nga si Eliperio Calites, 44-anyos, ug angkas niini ang asawa nga si Merlyn Calites, kinsa paingon downtown apan mibalik sa Brgy. Dalag gumikan nabilin ang pitaka niini.
Migula sa imbestigasyon sa Marilog Police nga na-overshoot ang sports car nga gimaneho ni Gary Tan Jimenez sa may kurbada nga bahin sa kalsada rason nga nabangga kini sa motor.
Samtang gikustodiya na sa Marilog Police Station ang driver sa sports car.
RadyoMaN Jason Amisola
