Tboli, South Cotabato – Samaron sa pagpamusil ang usa ka aktibong myembro sa CAFGU sa South Cotabato alas-8:50 ang takna sa buntag.
Sa gipagawas nga imbestigasyon sa Tboli Municipal Police Station giila ang mga biktima nga silang Bimbo Bansil, 40 anyos ug Arman Bansil hamtong ang edad nga residente sa Sitio Tuburan, Barangay Lambangan, Tboli, South Cotabato.
Nahitabo ang pagpamusil sa may Sitio Blite Lamnao sa maong barangay kung asa nagbaktas silang duha dihang kalit nga gipamusil sa tulo ka wala mailing lalaki.
Naigo ang mga nahisgutan sa likod nga tuong bahin sa abaga ug tuong bahin sa batiis.
Gilayong gipangdala sa South Cotabato Provincial Hospital sa siyudad sa Koronadal ang duha ka mga biktima alang sa medikasyon samtang ang mga suspek misibat paingon sa wala na matinong direksyon.
Narekober sa imbestigador gikan sa crime scene ang usa ka fired cartridge case sa 5.56 mm o bala sa armalite.
Mihimo gihapon og pursuit operation ang otoridad alang sa posibleng pag-aresto sa mga suspek.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: patay.jpg]
