Davao City – Dakung supak si Davao Del Sur Governor Douglas Cagas sa ideya nga tugtan ang katawhan nga makagawas panahon sa adlaw’ng Domingo gamit ang Food and Medicine (FM) Pass or Quarantine Pass.
Kahinumduman nga napailawom na sa Modified General Community Quarantine (MGCQ) ang Region XI diin molungtad kini’g July 15.
Gibutyag ni Cagas nga dili gayud angayang magsalig ang katawhan karon nga nabutang na sa MGCQ classification ang entero rehiyon tungod sa padayong hulga dala sa COVID-19.
Gimandoan usab karon ni Cagas ang kapulisan sa Davao Del Sur nga istriktohan og maayo ang mga COVID control checkpoints aron walay makalusot sa probinsiya nga mga COVID-19 positive.
RadyoMaN Joel Viray
Facebook Comments
